Biblioteka “Hivzi Sulejmani” u vizitua nga nxënësit e klasave të gjashta të shkollës fillore "Mehmet Gjevori". Të interesuar për librin dhe në përgjithësi për punën në bibliotekë, nxënësit u mirëpritën nga punonjëset e bibliotekës Antigona Lahu dhe Arbnora Mjekiqi – Rrahmani. Me këtë rast ata u informuan në detaje për mënyrën e funksionimit të bibliotekës, interesimin për lexim, por edhe për titujt që gjenden në raftet e saja. Në mes të nxënësve dhe punonjësve të bibliotekës u zhvillua një bashkëbisedim i këndshëm për librin dhe bibliotekën në përgjithësi.
Njohuritë e tyre për librin, autorët e tyre të dashur, bën që diskutimi të ishte jashtëzakonisht i çmuar. Ky debat ishte një mundësi për t’u njohur më për së afërmi me gjithë punën e institucionit të bibliotekës, po ashtu edhe një mundësi e mirë që institucionit tonë nga sot t’i shtohen këta lexues të rinj. Nxënësit u inkurajuan që të jenë pjesë e bibliotekës, ngase vetëm kështu arrijmë t’i përgatisim të rinjtë dhe të rejat për rrugët dhe mundësitë drejt dijes.
Në fund u ndamë me një shtrëngim duarsh në mënyrë shumë miqësore, me shpresë që të takohemi sërish.